ايه اكتر نكته عجبتك ؟؟؟؟؟؟؟؟؟؟؟

مره واحد غبي داخل سينما لقى مكتوب ممنوع الدخول لأقل من 18 قام جاب 17 من أصحابه ودخل

----------------------------------


محشش ركب تاكسي وقاله: ودني بعيد عن الارض.

اخذه التاكسي ورماه في الصحراء وكان الحشاش نايم ويوم صحا شاف واحد يزحف وقال له الرجل: انا تعبان من الشمس

فقال الحشاش: تشرفنا... انا أحمد من الارض .
---------------------------------------


مره اتنين كان محدش بيحبهم فى بلدهم قالو يسيبو البلد ويسافروا راحو الهند اول مانزلو من الطياره لقوا كل الواقفين بينحنوا ليهم قام واحد منهم قايل لصاحبوا هما بيحترمونا كده ليه؟ قالو اصل هما بيعبدوا البقر
------------------------------------

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ
-----------------------------------

واحد بلديتنا راح امريكا لقى كل الشباب لابسين تشيرت مكتوب علية سفن اب
-كوكاكولا - بيبسي
راح كتب على الجلابية عصير قصب
-----------------------------------

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته

----------------------------------


مره 3عيال راحوا لمحل لعب فالبياع سال اول واحد عايز ايه ياحبيبي قال له عايز بلونه فالبياع قال له ماشي وجاب سلم وطلع جاب البلونه ونزل

وبعدين سال العيل التاني قال له عايز ايه قال له عايز بلونه فالبياع اتنرفز وقال له يا بني ما انا كنت لسه فوق مقلتليش ليه وخد السلم وطلع جاب البلونه وهو علي السلم سال العيل التالت وقال له انت كمان عايز بلونه
فالعيل قال له لا انزل
فنزل البياع وقال للعيل التالت انت عايز ايه قال له انا عايز بلونتين

-----------------------------------


في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى
--------------------------------

مره واحد عنده بقرتين واحده بيضه والتانيه سوده فواحد صاحبه بيقوله انت بتاكل البقر بتاعك ده ايه فقاله انهى واحده البيضه ولا السوده قاله البيضه قاله باكلها برسيم قاله طب والسوده قاله باكلها برسيم برضو فقاله طب بتنيمهم فين قاله البيضه ولا السوده قاله البيضه قاله ف الزريبه قاله طب والسوده قاله ف الزريبه برضو قاله طب بتحميهم فين قاله البيضه ولا السوده قاله البيضه قاله ف الترعه قاله طب والسوده قاله ف الترعه برضو فراح قايله هو انا كل م اسالك سؤال تقعد تقولى البيضه ولا السوده و فالاخر بيطلعو زى بعض فراح قايله هو انت متعرفش اصل البيضه دى بتاعتى قاله طب والسوده قاله بتاعتى برضو
-------------------------------

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
--------------------------------

بلديتنا دخل على امه لقاها والعة والنار طالعه منها قالها منورة يا حاجة

-------------------------------
مره واحد صاحب محل فيديو جيم لما مات كتب علي قبره game over

-------------------------------

يا رب النكت تكون عجبتكم ويا ريت الرد مش تضحك وخلاص