الفرق بين المخطوبين و المتزوجين

بسم الله الرحمن الرحيم

مبدأيا في الشارع .. لو لقيت الولد والبنت ايدهم في ايد بعض تعرف انهم بيحبو بعض .. مأنجها يبقو مخطوبين او مكتوب كتابهم .. البنت ماشيه قدام الراجل بعشره متر وبتبص وراها بقرف تعرف انهم متجوزين

2-في المطعم .. البنت بتأكل الولد بشوكتها .. يبقو بيحبو بعض ويمكن مخطوبين .. الست بتزعق في الراجل وبتقولع عض في دي يبقو متجوزين

3-في محل ملابس .. الولد بينقي لبس والبنت بتقوله يبقى روعه عليك يبقو لسه مخطوبين .. الست بتنقي للراجل والراجل بيقولها لا ده شكله وحش ترد عليه تقوله وانت ايه فهمك ياحمار يبقو متجوزين

4-في محل جزم .. الولد بيتأمل في شوز عاجبه وماسك فرده منه والبنت بتقوله جميل قوي يبقو مخطوبين .. الست ماسكه الشوز في ايدها وبتضرب الراجل بيه يبقو متجوزين

5- ركز في الناحيه الجسمانيه بس مش قوي عشان متشيلش ذنوب .. الولد والبنت باين عليهم الرشاقه يبقو لسه مخطوبين .. الراجل فاتح قميصه ومدلدل كرشه منه والست جنبه ماشاء الله كتله هلاميه مصمته تسد عين الشمس يبقو متجوزين
..
6- المنظر المشهور .. راجل شايل بطيخه في ايده وست شايله شنطة خضار يبقو اكيد الاتنين متجوزين


7-في الشارع تاني .. الولد واقف مع بنت وفجأه دور وشه وقعد يبص لواحده صاروخ ماشيه قدامه .. بص على رد فعل البنت لو لقيتها اتقمصت وهو قعد يتحايل عليها يبقو لسه مخطوبين .. لو لقيت البنت قلعت اللي في رجلها وجريت وراه يبقو متجوزين
..
8-على شط البحر .. ولد وبنت قاعدين جنب بعض بيتهامسو يبقو مخطوبين .. البنت قاعده بتكلم في نفسها والراجل فاتح كاميرا موبايله وعمال يصور في الراحه والجايه ويهز راسه بندم يبقو متجوزين

9-في الاتوبيس .. واحد وواحده قاعدين جنب بعض .. ازاي هتعرف بقى .. بص لو كان الاتوبيس زحمه ولقيت بنت اموره قوي واقفه جنب كرسي الولد والبنت ومش لاقيه مكان .. ولقيت الولد عمل عبيط ونسي الشهامه يبقى بيحب البنت اللي قاعد جنبها ولسه مخطوبين .. لقيته قام ليها عشان هيا تقعد والست اللي كانت جنبه قامت عملت فيه الفينيش بتاع الحانوتي وجابت منه لمس اكتاف يبقو متجوزين



فى حفظ الله ورعايته